NASDAQ Pilot Program

VÍS ákvað á árinu að taka þátt í vinnuhópi á vegum NASDAQ en hópurinn vinnur að mótun vinnubragða við skráningu ófjárhagslegra upplýsinga sem byggja á ESG viðmiðum NASDAQ. VÍS hefur samhliða þessu unnið að því að skrásetja umhverfisleg og samfélagsleg áhrif af starfsemi VÍS og stefnir á bæta við ófjárhagslega upplýsingagjöf sína á árinu 2018.

Sjá ESG skýrslu VÍS

Samfélagssjóður

Eitt af lykilhlutverkum VÍS er að stuðla að öryggi í samfélaginu með öflugum forvörnum. Samfélagssjóðnum er ætlað að styðja það hlutverk og styður sjóðurinn því verkefni sem hafa forvarnarlegt gildi. 

Sjóðurinn úthlutaði um 12 milljónum í tveimur úthlutunum árið 2017. 145 beiðnir bárust. Úthlutað var styrkjum til 29 einstaklinga, félagasamtaka, stofnana og fyrirtækja.

Forvarnir

Forvarnir eru hluti af fyrirtækjamenningu VÍS og mikilvægur hlekkur í starfsemi þess. Forvarnarstarf félagsins hefur þann tilgang að fækka slysum meðal viðskiptavina og í samfélaginu í heild. Allir starfsmenn VÍS eru forvarnafulltrúar.

Sjá nánar í kafla um forvarnir

Samstarfsaðilar

VÍS gerir kröfu um að samstarfsaðilar félagsins og birgjar hagi starfsemi sinni á samfélagslega ábyrgan hátt á sviði umhverfis- og öryggismála og mannréttinda. Þar sem starfsemi VÍS er nær öll á Íslandi er ekki talin mikil hætta á að VÍS sé viðriðið mannréttindabrot hvort heldur sem er með beinum eða óbeinum hætti.

Reglufylgni

VÍS kappkostar við að fylgja lögum og reglum í hvívetna í tengslum við starfsemi VÍS. Þannig stuðlar félagið m.a. að skilvirkni og heilbrigði allra þeirra markaða sem starfsemi þess varðar. Eitt af gildum VÍS er fagmennska og til þess er einnig horft þar sem lögum og reglum sleppir. Starfsfólk félagsins þiggur því ekki fríðindi sem stuðlað geta að hagsmunaárekstrum og spillingu í ákvarðanatöku.