Umhverfisstefna VÍS

VÍS leggur áherslu á að halda neikvæðum umhverfisáhrifum af starfsemi félagsins í lágmarki og stuðla að umhverfissjónarmið verði höfð að leiðarljósi í tengslum við alla starfsmenn og þjónustuaðila sem starfa fyrir félagið.

Félagið starfar eftir samgöngustefnu sem stuðlar að minni mengun og bættu umferðaröryggi með því að draga úr fjölda ökutækja í umferðinni. Markmið stefnunnar er að auka vistvænar og hagkvæmar samgöngur starfsmanna og með samgöngusamningum leggur VÍS sitt af mörkum til þess að fjölga starfsmönnum sem kjósa annan ferðamáta en einkabíl til og frá vinnu. 

Förgun úrgangs í kjölfar tjóna skal vera á sem umhverfisvænstan máta. 

Allt sorp hjá VÍS er flokkað eftir fremsta megni hvort sem það er á kaffistofum starfsmanna eða í mötuneyti í Ármúla. Flokkunartunnur og leiðbeiningar um flokkun eru til staðar en engar hefðbundnar ruslafötur eru lengur í notkun. 

Starfsmenn eru virkjaðir í umhverfismálum með hópi sem kallaður er Græni herinn. Í hópnum eru starfsmenn sem hafa mikinn áhuga á umhverfismálum. Græni herinn vinnur markvisst að því að gera VÍS eins umhverfisvænt fyrirtæki og kostur er. 

Stefnt er að því að minnka notkun pappírs í starfsemi VÍS og aukinni sjálfvirkni og sjálfsafgreiðslu.